Riaan Eloff's Blog

Soos belowe in laasweek se uitgawe:  die finale hoofstuk, die konklusie, die terminasie, die kulminasie, die orgasmiese, klimaktiese laaste woord:  die einde.  Geniet dit!

Toepassing.

Nou goed, ons almal weet nou wat die verskillende opsies is, en hul kostes ens., maar wat beteken dit vir my in my alledaagse gebruik?

Vir die gemiddelde tuisgebruiker is ‘n eenvoudige LAN (met opsienele WLAN, indien daar ‘n skootrekenaar of tablet-pc soos ‘n iPad of Android toestel betrokke is) voldoende, sodat lêers gedeel kan word, een drukker gedeel kan word, en almal deur die LAN, wat aan ‘n ADSL lyn gekoppel is deur ‘n standaard “router”, op die Internet kan rondspeel.  Nou kan jy met jou skootrekenaar of jou tablet enige plek in die huis (of selfs langs die swembad!) sit en Facebook, Google, vonkpos, Youtube ens.  Jy kan ook met gemak dokumente of vonkpos uitdruk deur die netwerk na die drukker wat moontlik elders in die huis is.

Continue reading →

Na die afgelope twee weke se artikels, behoort ons almal daarem nou naastenby op dieselfde bladsy te wees rakende die vier onderwerpe wat ons hier bespreek.  Ons het laasweek geëindig met die belofte van kostes en snelhede wat hierdie week bespreek sal word, en hul implikasies.

Snelheid

is eerste op die lys.  Sonder enige twyfel, is ‘n LAN die vinnigste vorm van kommunikasie tussen enige twee rekenaars.  As ‘n reë val ‘n LAN in die volgende drie snelheidsvlakke: 10Mbps, 100Mbps en 1Gbps. (M = Mega, G = Giga, b = bits in teenstelling met B wat Bytes is, p = per, s = second).  Kom ek gee net vinnig ‘n verduideliking van hierdie terme:

1 Bit is vergelykbaar met ‘n enkele ligskakelaar (aan of af is al opsies, maar in rekenaarterme sou dit wees 1 of 0 as opsies). 8 Bits is 1 Byte.  Bits word voorgestel deur ‘n kleinletter b, terwyl Bytes voorgestel word deur ‘n hoofletter B.  In terme van die snelheid van die netwerk is 1bps dus een bit per sekonde. 1Bps is een Byte per sekonde. 10bps is tien bits per sekonde. 1 Kbps is 1 Kilobits (K = Kilo) per seconde, of dan 1,000 bps.

1 Mbps is dan 1 Megabit(s), of te wel 1,000,000 bps.  1Gbps is 1 Gigabit(s), wat vertoon kan word as 1,000,000,000,000 bps.  Soos julle kan sien is dat maar soos standaard numeries terme waar Kilo eenduisend voorstel, Mega stel een miljoen voor, en Giga stel een triljoen voor.

Continue reading →

Goed, so ek vertrou dat almal nou ‘n redelike goeie idee het van wat presies ‘n LAN is?  Indien nie, lees gerus eers weer die vorige artikel in hierdie reeks van drie.

Hierdie week loer ons gou na WiFi, 3G en ADSL voor ons volgende week die hele saak tot ‘n klimaks bring in die artikel oor:  watter een is die beste vir jou, en hoe maak dit jou lewe makliker, indien enigsins!?

WiFi

Soos vinnig genoem in die vorige artikel, WiFi (wat verwys na Wireless Fidelity baie soos die term HiFi wat verwys na High Fidelity in terme van klank) is basies net ‘n draadlose LAN.  En, in Engels kom die term tot sy reg:  “WIRELESS LAN” of “WIRELESS NETWORK”.  Dit is maar presies wat dit is.  In praktyk beteken dit vir jou dieselfde as wat ‘n LAN beteken, maar jy het die vryheid van beweging (“Freedom of movement” soos oorlede Christopher Reeve dit in die World Online TV-advertensie gestel het).  Jy kan met jou selfoon of skootrekenaar (Laptop/Notebook) of selfs jou tabletrekenaar (Tablet PC) inskakel op die draadlose netwerk, en dan het jy vryheid om rond te beweeg in die kantoor/huis en steeds toegang te hê tot die hulpbronne op die netwerk (internet, vonkpos, drukker, stoorspasie ens.)

WiFi het uiteraard sy eie tegniese implikasies en funksionering, maar hierdie artikel deel nie soseer met die detail van hoe en wat en watter knoppie of kabel nie, dit deel meer met watter een is reg vir jou, indien enige, en hoe verbeter dit jou lewe, indien enigsins.  Die belangrikste tegniese aspekte om net in gedagte te hou met WiFi is dat dit het ‘n beperkte afstand, wat jy wel kan versterk of vergroot met verskillende toerusting, en dat dit meestal nie net tussen twee toestelle (rekenaars gewoonlik) is nie, maar as ‘n rëel het dit ‘n basisstasie as punt-van-kontak.  Die basisstasie bereik ‘n radius van x-aantal meter rondom ditself, en, indien jy in daardie radius verkeer met jou toestel, sal jy die opsie hê om te kan inskakel op die WiFi netwerk wat dié basisstasie bied.

Continue reading →

Hi daar, so begin ek dan met my blog.  Hierdie eerste artikel is vir Rekenaarhulp, en alhoewel ek dit laasweek reeds geskryf en gepubliseer het op Rekenaarhulp en op Praat Afrikaans, ek het vandag eers my blog amptelik begin, so hierdie een is eintlik een week NA die ander gepubliseer, alhoewel ek die datum manipuleer het om te wys dat dit reeds op die 6e Mei gepubliseer is!  Geniet dit gerus.

Ons almal het ‘n basiese idee wat die internet is, en hoe dit gebruik word, en ons almal het ‘n vae benul wat ‘n netwerk is, en dat ons oor ‘n netwerk kan druk of leêrs kan deel.  Maar, die selfoonmaatskappye verkoop “wonderlike” 3G pakette aan ons, en laat dit klink asof dit SPOTGOEDKOOP is, en vriende vertel ons van “wireless” en hoe hulle in die koffiewinkel sit en aanlyn werk deur “WIFI” en ons almal wonder:  “…nou maar wat is dit nou EINTLIK wat ek nodig het?!”  Is dit 3G, WiFi, ‘n LAN of ou Hellcom (oeps, ek bedoel “TELKOM”) se goeie ou ADSL, hoe sou ek enige van daardie lot gebruik, en, meer belangrik: WAT DE DUIWEL BETEKEN DIT VIR MY IN MY LEWE?!

As hierdie jou belangstelling geprikkel het, vermoed ek jy gaan dié artikel nie net geniet nie, maar waardeer ook!

Continue reading →